1
میرے ایک ایرانی دوست نے بتایا ہے کہ متعہ والدین کی اجازت کے بغیر بھی کیا جا سکتا ہے۔ کیا یہ جائز ہے؟
اگر لڑکی بالغہ و عاقلہ ہو مگر ہو باکرہ اور اس کا ولئ شرعی یعنی باپ یا دادا موجود ہو تو محقق علماۓ شیعہ کے نزدیک اس کے ولئ شرعی کی اجازت ضروری ہے۔
ہاں مگر (1) اگر لڑکی باکرہ نہ ہو بلکہ مطلقہ یا بیوہ ہو یا (2) باکرہ تو ہو مگر اس کا کوئی ولئ شرعی موجود نہ ہو تو پھر کر سکتی ہے۔ واللہ العالم۔
2
کیا کسی لڑکی کے لیے کسی لڑکے کو یہ بتانا جائز ہے کہ وہ اسے پسند کرتی ہے؟ اگر جائز نہیں ہے اور وہ لڑکی پہلے ہی اس لڑکے کو یہ بات بتا چکی ہے، تو پھر وہ لڑکی کیا کرے؟
اگر لڑکا اسلامی و ایمانی نقطۂ نگاہ سے اس لڑکی کا کفو ہے تو پھر اس حقیقت کے اظہار میں کوئی خاص قباحت نہیں ہے تاکہ اس کے نتیجے ميں دونوں رشتۂ ازدواج ميں منسلک ہو سکیں۔ واللہ العالم و العاصم۔